ಕೊಪ್ಪಳ (ಉತ್ತರ ಕರ್ನಾಟಕ)

ಸಾಹಸ ಮತ್ತು ಚಟುವಟಿಕೆಗಳು

• ಕಿಷ್ಕಿಂದೆ ವಾಟರ್ ಪಾರ್ಕ್: ಅನೆಗುಂಡಿಯಲ್ಲಿ ಇರುವ ಪ್ರಸಿದ್ಧ ಜಲ ಕ್ರೀಡಾ ಕೇಂದ್ರ ಮತ್ತು ಥೀಮ್ ಪಾರ್ಕ್.
• ಮುನಿರಾಬಾದ್ ಬಳಿ ಪಿಕ್ನಿಕ್: ಮುನಿರಾಬಾದ್‌ನ ತುಂಗಭದ್ರಾ ಜಲಾಶಯದ ಸಮೀಪ ಜಪಾನಿ ಮಾದರಿಯ ಅಲಂಕಾರಿಕ ಉದ್ಯಾನವಿದ್ದು ಕುಟುಂಬ ವಿಹಾರಕ್ಕೆ ಸೂಕ್ತವಾಗಿದೆ.
  

ಐತಿಹಾಸಿಕ ತಾಣಗಳು

• ಕೊಪ್ಪಳ ಕೋಟೆ: ಕರ್ನಾಟಕದ ಪ್ರಬಲ ಕೋಟೆಗಳಲ್ಲಿ ಒಂದಾಗಿದ್ದು, 1786 ರಲ್ಲಿ ಟಿಪ್ಪು ಸುಲ್ತಾನ್ ಸ್ವಾಧೀನಪಡಿಸಿಕೊಂಡು ಇನ್ನಷ್ಟು ಭದ್ರಪಡಿಸಿದನು.
• ಪಾಲ್ಕಿಗುಂಡು ಅಶೋಕ ಶಾಸನ: ಕೊಪ್ಪಳ ನಗರದಿಂದ 3 ಕಿ.ಮೀ ದೂರದಲ್ಲಿ ದೈತ್ಯ ಬಂಡೆಗಳ ಮೇಲೆ 2300 ವರ್ಷಗಳಷ್ಟು ಹಳೆಯದಾದ ಶಾಸನಗಳು ಕಂಡುಬಂದಿದ್ದು ಎರಡು ಬಂಡೆಗಳ ಮೇಲೆ ಸಮತಟ್ಟಾದ ಇನ್ನೊಂದು ಬಂಡೆ ಇದ್ದು ದೂರದಿಂದ ನೋಡಿದಾಗ, ಪಲ್ಲಕ್ಕಿಯನ್ನು ಹೋಲುತ್ತದೆ. ಈ ಕಾರಣದಿಂದಾಗಿ ಪಾಲ್ಕಿ ಗುಂಡು ಎಂಬ ಹೆಸರು ಬಂದಿದೆ. 
• ಅನೆಗುಂಡಿ: ಅನೆಗುಂಡಿ ಹಂಪಿಯಲ್ಲಿ ತುಂಗಭದ್ರಾ ನದಿಯ ಇನ್ನೊಂದು ಬದಿಯಲ್ಲಿರುವ ಒಂದು ಐತಿಹಾಸಿಕ ಪಟ್ಟಣವಾಗಿದೆ, ಇದು ಹಂಪಿ ಯುನೆಸ್ಕೋ ವಿಶ್ವ ಪರಂಪರೆಯ ತಾಣದ ಭಾಗವಾಗಿದೆ. ಕಿಶ್ಕಿಂದೆ ಎಂದೂ ಕರೆಯಲ್ಪಡುವ ಅನೆಗುಂಡಿ ಹಲವಾರು ಐತಿಹಾಸಿಕ ಸ್ಮಾರಕಗಳನ್ನು ಹೊಂದಿದೆ  ಅಂಜನಾದ್ರಿ ಬೆಟ್ಟ, ಅನೆಗುಂಡಿ ಕೋಟೆ, ಗಗನ್ ಮಹಲ್, ಸನಾಪುರ ಸರೋವರ, ಪಂಪ ಸರೋವರ, ಕೃಷ್ಣದೇವರಾಯ ಸಮಾಧಿ ಇತ್ಯಾದಿಗಳು ಆನೆಗುಂಡಿಯ ಪ್ರಮುಖ ಆಕರ್ಷಣೆಗಳು. ಹಂಪಿಗೆ ಬರುವ ಹೆಚ್ಚಿನ ಪ್ರವಾಸಿಗರು ತೆಪ್ಪ ಬಳಸಿ ತುಂಗಭದ್ರಾ ನದಿಯನ್ನು ದಾಟಿ ಆಂಗೆಗುಂಡಿಗೂ ಭೇಟಿ ನೀಡುತ್ತಾರೆ.
  

ಧಾರ್ಮಿಕ ಸ್ಥಳಗಳು

• ಕುಕ್ನೂರ್: ಕುಕ್ನೂರ್ ಇಟಗಿಯಿಂದ 6 ಕಿ.ಮೀ ಉತ್ತರಕ್ಕೆ ಇರುವ ಹಳ್ಳಿಯಾಗಿದ್ದು, ನವಲಿಂಗ ದೇವಸ್ಥಾನಕ್ಕೆ ಜನಪ್ರಿಯವಾಗಿದೆ. ನವಲಿಂಗ ದೇವಾಲಯ ಸಂಕೀರ್ಣವನ್ನು 9 ನೇ ಶತಮಾನದಲ್ಲಿ ರಾಷ್ಟ್ರಕೂಟ ರಾಜವಂಶದ ರಾಜ ಅಮೋಘವರ್ಷನ ಕಾಲದಲ್ಲಿ ನಿರ್ಮಿಸಲಾಗಿತ್ತು.
• ಇಟಗಿ: ಇಟಗಿ ಕೊಪ್ಪಳ ಜಿಲ್ಲೆಯ ಜನಪ್ರಿಯ ಹಳ್ಳಿಯಾಗಿದ್ದು, ಮಹಾದೇವ ದೇವಸ್ಥಾನಕ್ಕೆ ಹೆಸರುವಾಸಿಯಾಗಿದೆ. ಇಟಗಿಯ ಮಹಾದೇವ ದೇವಾಲಯವು 12 ನೇ ಶತಮಾನದ ಅದ್ಭುತ ವಿನ್ಯಾಸ ಹೊಂದಿದೆ ಮತ್ತು ಚಾಲುಕ್ಯ ಶೈಲಿಯ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲಾಗಿದೆ. 12ನೇ ಶತಮಾನದಲ್ಲಿ ದೊರೆತ ಶಾಸನಗಳಲ್ಲಿ ಇಟಗಿ ಮಹಾದೇವ ದೇವಸ್ಥಾನವನ್ನು “ದೇವಾಲಯಗಳ ಚಕ್ರವರ್ತಿ” ಎಂದು ಹೆಸರಿಸಲಾಗಿದೆ.
• ಕನಕಗಿರಿ: ಕೊಪ್ಪಳ ಜಿಲ್ಲೆಯ ಕನಕಗಿರಿ 16 ನೇ ಶತಮಾನದ ವಿಷ್ಣುವಿಗೆ ಅರ್ಪಿತವಾದ ಕನಕ ಚಲಪತಿ ದೇವಸ್ಥಾನಕ್ಕೆ ಜನಪ್ರಿಯವಾಗಿದೆ. ಕನಕಗಿರಿಯನ್ನು ಹಿಂದೆ ಸುವರ್ಣಗಿರಿ ಎಂದು ಕರೆಯಲಾಗುತ್ತಿತ್ತು. ಕನಕಗಿರಿ ಕ್ರಿ.ಪೂ 4 ಮತ್ತು 2 ನೇ ಶತಮಾನದ ನಡುವೆ ಭಾರತೀಯ ಉಪಖಂಡವನ್ನು ಆಳಿದ ಮೌರ್ಯ ಸಾಮ್ರಾಜ್ಯದ ದಕ್ಷಿಣ ಭಾಗದ ರಾಜಧಾನಿ. ಕನಕಗಿರಿ ನಗರದ ಹೊರವಲಯದಲ್ಲಿರುವ ರಾಜ ಮನೆತನದ ಸ್ನಾನಗೃಹ  ಇನ್ನೊಂದು ಪ್ರಮುಖ ಆಕರ್ಷಣೆಯಾಗಿದೆ. 
• ಹುಲಿಗೆಮ್ಮ ದೇವಸ್ಥಾನ: ತುಂಗಭದ್ರಾ ನದಿಯ ದಡದಲ್ಲಿರುವ ಕೊಪ್ಪಳ ನಗರದಿಂದ 24 ಕಿ.ಮೀ ದೂರದಲ್ಲಿರುವ 13ನೇ ಶತಮಾನದ ದೇವಾಲಯ.
• ಗವಿಮಠ ದೇಗುಲ: ಕೊಪ್ಪಳ ನಗರದೊಳಗೆ ಇರುವ  ಪ್ರಮುಖ ದೇವಸ್ಥಾನ. ಅಶೋಕನ ಅವಧಿಯ ಇನ್ನೊಂದು ಶಿಲಾ ಶಾಸನ ಇಲ್ಲಿ ದೊರೆತಿದೆ.
  

ಇತರ ಆಕರ್ಷಣೆಗಳು

ನವ ಬೃಂದಾವನ: ತುಂಗಭದ್ರಾ ನದಿಯಲ್ಲಿರುವ ಸಣ್ಣ ದ್ವೀಪ, 9 ಸಂತರ ಸಮಾಧಿಗಳನ್ನು ಹೊಂದಿದೆ.

ಗಂಗಾವತಿ: ಕೃಷಿ ಸಂಶೋಧನಾ ಸಂಸ್ಥೆ ಮತ್ತು ವಿರೂಪಾಕ್ಷ ದೇವಾಲಯಗಳಿವೆ.

ಕಿನಾಳ: ಮರದ ವಿಗ್ರಹಗಳು, ಆಟಿಕೆಗಳು ಮತ್ತು ನಾಟಕೀಯ ಸಲಕರಣೆಗಳ ತಯಾರಿಕೆಗೆ ಹೆಸರುವಾಸಿಯಾದ ಕೊಪ್ಪಳದಿಂದ 13 ಕಿ.ಮೀ ದೂರದಲ್ಲಿರುವ ಒಂದು ಪಟ್ಟಣ.

ಜಿಲ್ಲೆಯ ಬಗ್ಗೆ
ಕೊಪ್ಪಳವನ್ನು ಶಾತವಾಹನರು, ಗಂಗರು, ಹೊಯ್ಸಳರು ಮತ್ತು ಚಾಲುಕ್ಯ ರಾಜವಂಶಗಳ ರಾಜ್ಯಕ್ಕಿಂತ ಮೊದಲು ಪತ್ತೆಹಚ್ಚಲಾಗಿದೆ. “ಕೊಪ್ಪಳ” ಎಂಬ ಹೆಸರು “ವಿದಿತ ಮಹಾ ಕೊಪಣ ನಗರ” ಎಂದು (814-878 ಕ್ರಿ.ಶ ರಾಜ ನೃಪತುಂಗರ ಕಾಲದಲ್ಲಿ) ಮಹಾನ್ ಕವಿ ಕವಿರಾಜಮಾರ್ಗ ಕಾವ್ಯದಿಂದ ಆಯ್ಕೆ ಮಾಡಲಾಗಿದೆ. ಅಶೋಕನ ಕಾಲದಲ್ಲಿ ಜೈನ ಧರ್ಮವು ಈ ಪ್ರದೇಶದಲ್ಲಿ ಹೆಚ್ಚಿನ ಮಹತ್ವ ಪಡೆದುಕೊಂಡಿತು. ಆದ್ದರಿಂದ, ಇದನ್ನು “ಜೈನಕಾಶಿ” ಎಂದು ಕರೆಯಲಾಗುತ್ತದೆ. ಪ್ರಸ್ತುತ ಕೊಪ್ಪಳದ ಗವಿ ಮಠವು ಪ್ರಮುಖ ಆಕರ್ಷಣೆ ಹೊಂದಿದೆ.

ಗಂಗಾವತಿ ತಾಲ್ಲೂಕಿನ ಆನೆಗುಂದಿಯು ವಿಜಯನಗರ ರಾಜವಂಶದ ಮೊದಲ ರಾಜಧಾನಿಯಾಗಿತ್ತು. ಹಳೆಯ ಅರಮನೆ ಮತ್ತು ಕೋಟೆ ಆನೆಗುಂದಿಯಲ್ಲಿ ಇನ್ನೂ ಅಸ್ತಿತ್ವದಲ್ಲಿವೆ. ಕೊಪ್ಪಳ ಜಿಲ್ಲೆಯ ಇತರ ಪ್ರಮುಖ ಐತಿಹಾಸಿಕ ಸ್ಥಳಗಳಲ್ಲಿ ಹುಲಿಗಿ,ಕನಕಗಿರಿ, ಇಟಗಿ, ಕುಕನೂರ, ಇಂದ್ರಕೀಲ ಪರ್ವತ, ಪುರ, ಚಿಕ್ಕಬೇನಕಲ್ ಮತ್ತು ಹಿರೆಬೇನಕಲ್ ಇವೆ. ಸ್ವಾತಂತ್ರ್ಯ ಪೂರ್ವದಲ್ಲಿ, ಕೊಪ್ಪಳವು ಹೈದರಾಬಾದ್ ನಿಜಾಮರ ಅಡಿಯಲ್ಲಿತ್ತು ಹಾಗೂ ಹೈದರಾಬಾದ್ ಪ್ರದೇಶದ ಭಾಗವಾಗಿತ್ತು. ಭಾರತಕ್ಕೆ 15ನೇ ಆಗಸ್ಟ್ 1947 ರಂದು ಸ್ವಾತಂತ್ರ್ಯ ಸಿಕ್ಕರೂ, ಈ ಪ್ರದೇಶದ ಜನರು ಹೈದರಾಬಾದ್ ನಿಜಾಮರ ಹಿಡಿತದಿಂದ ಸ್ವಾತಂತ್ರ್ಯವನ್ನು ಗಳಿಸಲು ಮತ್ತಷ್ಟು ಹರಸಾಹಸ ಮಾಡಿ 17ನೇ ಸೆಪ್ಟೆಂಬರ್, 1948 ರಲ್ಲಿ, ಹೈದರಾಬಾದ್ ಕರ್ನಾಟಕ ನಿಜಾಮರಿಂದ ಬಿಡುಗಡೆಗೊಂಡಿತು. ಕೊಪ್ಪಳ ಜಿಲ್ಲೆಯಲ್ಲಿ ಕೊಪ್ಪಳ, ಗಂಗಾವತಿ, ಕುಷ್ಟಗಿ & ಯಲಬುರ್ಗಾ ಹಾಗೂ ಹೊಸದಾಗಿ ರೂಪುಗೊಂಡ (19.01.2018) ಕನಕಗಿರಿ,ಕಾರಟಗಿ, ಕುಕನೂರ(18.01.2018) ತಾಲ್ಲೂಕುಗಳು ಒಳಗೊಂಡಿದೆ

ಇತಿಹಾಸ

ಪರಿಚಯ

ಕೊಪ್ಪಳ ಜಿಲ್ಲೆಯು ರಾಯಚೂರು ಜಿಲ್ಲೆಯಿಂದ ಹೊಸ ಜಿಲ್ಲೆಯಾಗಿ ಅಸ್ತಿತ್ವಕೆ ಬಂದಿತು. ಇದು “30 03 * 16” 00 ’09 * 15 ನಡುವೆ ಉತ್ತರ ಅಕ್ಷಾಂಶ ಹಾಗೂ ಪೂರ್ವ ರೇಖಾಂಶದಲ್ಲಿ’ “10 76 * 48” 30 ’75 * 47 ಇದೆ. ಕೊಪ್ಪಳ, ಗಂಗಾವತಿ, ಕುಷ್ಟಗಿ & ಯಲಬುರ್ಗಾ ಹಾಗೂ ಹೊಸದಾಗಿ ರೂಪುಗೊಂಡ (19.01.2018) ಕನಕಗಿರಿ,ಕಾರಟಗಿ, ಕುಕನೂರ(18.01.2018)ತಾಲ್ಲೂಕುಗಳು ಒಳಗೊಂಡಿದೆ. ದಕ್ಷಿಣದಲ್ಲಿ ಬಳ್ಳಾರಿ ಜಿಲ್ಲೆ, ಉತ್ತರ ದಿಕ್ಕಿನಲ್ಲಿ ಬಾಗಲಕೋಟೆ, ಪಶ್ಚಿಮದಲ್ಲಿ ಗದಗ, ಪೂರ್ವದಲ್ಲಿ ರಾಯಚೂರು ಜಿಲ್ಲೆಯಿಂದ ಕೊಪ್ಪಳ ಜಿಲ್ಲೆಯು ಸುತ್ತುವರೆದಿದೆ. ಕೊಪ್ಪಳ ಜಿಲ್ಲೆಯು ಕೇಂದ್ರ ವಿಶ್ವ ಪರಂಪರೆಯಾದ ಹಂಪಿಯಿಂದ ಹತ್ತಿರವಾಗಿದೆ.

ಇತಿಹಾಸ:

ಕೊಪ್ಪಳವನ್ನು ಶಾತವಾಹನರು, ಗಂಗರು, ಹೊಯ್ಸಳರು ಮತ್ತು ಚಾಲುಕ್ಯ ರಾಜವಂಶಗಳ ರಾಜ್ಯಕ್ಕಿಂತ ಮೊದಲು ಪತ್ತೆಹಚ್ಚಲಾಗಿದೆ. “ಕೊಪ್ಪಳ” ಎಂಬ ಹೆಸರು “ವಿದಿತ ಮಹಾ ಕೊಪಣ ನಗರ” ಎಂದು (814-878 ಕ್ರಿ.ಶ ರಾಜ ನೃಪತುಂಗರ ಕಾಲದಲ್ಲಿ) ಮಹಾನ್ ಕವಿ ಕವಿರಾಜಮಾರ್ಗ ಕಾವ್ಯದಿಂದ ಆಯ್ಕೆ ಮಾಡಲಾಗಿದೆ. ಅಶೋಕನ ಕಾಲದಲ್ಲಿ ಜೈನ ಧರ್ಮವು ಈ ಪ್ರದೇಶದಲ್ಲಿ ಹೆಚ್ಚಿನ ಮಹತ್ವ ಪಡೆದುಕೊಂಡಿತು. ಆದ್ದರಿಂದ, ಇದನ್ನು “ಜೈನಕಾಶಿ” ಎಂದು ಕರೆಯಲಾಗುತ್ತದೆ. ಪ್ರಸ್ತುತ ಕೊಪ್ಪಳದ ಗವಿ ಮಠವು ಪ್ರಮುಖ ಆಕರ್ಷಣೆ ಹೊಂದಿದೆ.

ಗಂಗಾವತಿ ತಾಲ್ಲೂಕಿನ ಆನೆಗುಂದಿಯು ವಿಜಯನಗರ ರಾಜವಂಶದ ಮೊದಲ ರಾಜಧಾನಿಯಾಗಿತ್ತು. ಹಳೆಯ ಅರಮನೆ ಮತ್ತು ಕೋಟೆ ಆನೆಗುಂದಿಯಲ್ಲಿ ಇನ್ನೂ ಅಸ್ತಿತ್ವದಲ್ಲಿವೆ. ಕೊಪ್ಪಳ ಜಿಲ್ಲೆಯ ಇತರ ಪ್ರಮುಖ ಐತಿಹಾಸಿಕ ಸ್ಥಳಗಳಲ್ಲಿ ಹುಲಿಗಿ,ಕನಕಗಿರಿ, ಇಟಗಿ, ಕುಕನೂರ, ಇಂದ್ರಕೀಲ ಪರ್ವತ, ಪುರ, ಚಿಕ್ಕಬೇನಕಲ್ ಮತ್ತು ಹಿರೆಬೇನಕಲ್ ಇವೆ. ಸ್ವಾತಂತ್ರ್ಯ ಪೂರ್ವದಲ್ಲಿ, ಕೊಪ್ಪಳವು ಹೈದರಾಬಾದ್ ನಿಜಾಮರ ಅಡಿಯಲ್ಲಿತ್ತು ಹಾಗೂ ಹೈದರಾಬಾದ್ ಪ್ರದೇಶದ ಭಾಗವಾಗಿತ್ತು. ಭಾರತಕ್ಕೆ 15ನೇ ಆಗಸ್ಟ್ 1947 ರಂದು ಸ್ವಾತಂತ್ರ್ಯ ಸಿಕ್ಕರೂ, ಈ ಪ್ರದೇಶದ ಜನರು ಹೈದರಾಬಾದ್ ನಿಜಾಮರ ಹಿಡಿತದಿಂದ ಸ್ವಾತಂತ್ರ್ಯವನ್ನು ಗಳಿಸಲು ಮತ್ತಷ್ಟು ಹರಸಾಹಸ ಮಾಡಿ 17ನೇ ಸೆಪ್ಟೆಂಬರ್, 1948 ರಲ್ಲಿ, ಹೈದರಾಬಾದ್ ಕರ್ನಾಟಕ ನಿಜಾಮರಿಂದ ಬಿಡುಗಡೆಗೊಂಡಿತು. ಕೊಪ್ಪಳ ಜಿಲ್ಲೆಯಲ್ಲಿ ಕೊಪ್ಪಳ, ಗಂಗಾವತಿ, ಕುಷ್ಟಗಿ & ಯಲಬುರ್ಗಾ ಹಾಗೂ ಹೊಸದಾಗಿ ರೂಪುಗೊಂಡ (19.01.2018) ಕನಕಗಿರಿ,ಕಾರಟಗಿ, ಕುಕನೂರ(18.01.2018) ತಾಲ್ಲೂಕುಗಳು ಒಳಗೊಂಡಿದೆ

ಜಿಲ್ಲೆಯ ಆಡಳಿತ ಬ್ಲಾಕ್ ಗಳು ಈ ಕೆಳಗಿನಂತಿವೆ

ತಾಲ್ಲೂಕುಗಳ ಸಂಖ್ಯೆ : 4, ಹೊಸದಾಗಿ ರೂಪುಗೊಂಡ ತಾಲ್ಲೂಕುಗಳು: 3

ಹೋಬಳಿ ಸಂಖ್ಯೆ : 20

ಜನವಸತಿ ಇರುವ ಹಳ್ಳಿಗಳ ಸಂಖ್ಯೆ : 594

ಜನವಸತಿ ಇಲ್ಲದ ಹಳ್ಳಿಗಳ ಸಂಖ್ಯೆ : 35

ನಗರಸಭೆ /ಪುರಸಭೆ/ ಪಟ್ಟಣ ಪಂಚಾಯತಿ : 9

ಗ್ರಾಮ ಪಂಚಾಯತ್ ಸಂಖ್ಯೆ : 153

ತಲುಪುವುದು ಹೇಗೆ?

ಹತ್ತಿರದ ರೈಲು ನಿಲ್ದಾಣ :

ಕೊಪ್ಪಳ ನಗರದಿಂದ ಬೆಂಗಳೂರು, ಹುಬ್ಬಳ್ಳಿ, ಬೆಳಗಾವಿ,ಬಳ್ಳಾರಿ,ವಿಜಯಪುರ, ಗೋವಾ, ಹೈದರಾಬಾದ್,ಕೊಲ್ಲಾಪುರ, ಮೀರಜ್,ತಿರುಪತಿ,ವಿಜಯವಾಡ, ಗುಂಟೂರು,ಗುಂತ್ತಕಲ್, ನಗರಗಳಿಗೆ ರೈಲುಗಳ ಸಂಪರ್ಕ ಇದೆ.

ಹತ್ತಿರದ ವಿಮಾನ ನಿಲ್ದಾಣ:

ಹುಬ್ಬಳ್ಳಿ 120ಕಿಲೊ ಮೀಟರ್ ,

ಜಿಂದಾಲ್ ವಿಜಯನಗರ ವಿಮಾನನಿಲ್ದಾಣ (ತೋರಣಗಲ್ಲು) 65 ಕಿಲೊ ಮೀಟರ್.

ರಸ್ತೆ ಸಾರಿಗೆ:

ಕರ್ನಾಟಕದಲ್ಲಿ ಎಲ್ಲಾ ಪ್ರಮುಖ ನಗರಗಳಿಗೆ ಕೊಪ್ಪಳ ನಗರ ರಸ್ತೆ ಸಂಪರ್ಕ ಹೊಂದಿದೆ. ಇದು ರಾಷ್ಟ್ರೀಯ ಹೆದ್ದಾರಿಗಳ (63 & 13) ಬೆಂಗಳೂರು, ಹುಬ್ಬಳ್ಳಿ, ಹೊಸಪೇಟೆ, ಬಳ್ಳಾರಿ, ರಸ್ತೆ ಸಂಪರ್ಕ ಹೊಂದಿದೆ, ಹಾಗು ಇದು ಬೆಂಗಳೂರಿನಿಂದ 380ಕಿ ದೂರ, ಹುಬ್ಬಳ್ಳಿಯಿಂದ 120ಕಿ ದೂರದಲ್ಲಿದೆ. ಬೆಂಗಳೂರು, ಹುಬ್ಬಳ್ಳಿ, ಮೈಸೂರು, ಗೋವಾ, ಹೈದರಾಬಾದ್, ಗುಲ್ಬರ್ಗ, ಬೀದರ್, ರಾಯಚೂರು, ಬಳ್ಳಾರಿ, ಧಾರವಾಡ, ದಾವಣಗೆರೆ, ಬೆಳಗಾವಿ, ಬಾಗಲಕೋಟೆ, ಬಿಜಾಪುರ ಮತ್ತು ಮಂಗಳೂರು, ಈ ರೀತಿಯಲ್ಲಿ ಬಹುತೇಕ ಎಲ್ಲಾ ಪ್ರಮುಖ ನಗರಗಳಿಂದ ಕೊಪ್ಪಳಕ್ಕೆ ರಾಜ್ಯ ಸಾರಿಗೆ ಬಸ್ಸುಗಳು ಸಂಪರ್ಕವಿರುತ್ತದೆ.