ಜೆಆರ್​ಡಿ ಟಾಟಾ ಹುಟ್ಟುಹಾಕಿದ್ದ ವಿಮಾನಯಾನ ಕಂಪನಿ ಗುರುವಾರ ಅಧಿಕೃತವಾಗಿ ಮತ್ತೆ ಟಾಟಾ ಸಮೂಹದ ತೆಕ್ಕೆಗೆ ಸೇರಿದೆ. ಏರ್ ಇಂಡಿಯಾದ ಶೇಕಡ 100 ಷೇರುಗಳನ್ನು ಟೆಲೆಸ್ ಪ್ರೖೆವೇಟ್ ಲಿಮಿಟೆಡ್​ಗೆ ಹಸ್ತಾಂತರಿಸುವುದರ ಜತೆಗೆ ಆ ಕಂಪನಿಯಿಂದ ವ್ಯೂಹಾತ್ಮಕ ಹೂಡಿಕೆ ಹಿಂಪಡೆತ ಯಶಸ್ವಿಯಾಗಿ ಸಂಪೂರ್ಣವಾಗಿದೆ. ಟಾಟಾ ಸನ್ಸ್ ಪ್ರೖೆವೇಟ್ ಲಿಮಿಟೆಡ್​ನ ಅಧೀನ ಸಂಸ್ಥೆ ಟಲೆಸ್ ಪ್ರೖೆವೇಟ್ ಲಿಮಿಟೆಡ್ 2,700 ಕೋಟಿ ರೂಪಾಯಿಯನ್ನು ಸರ್ಕಾರಕ್ಕೆ ಪಾವತಿಸಿದೆ. ಉಳಿದ 15,300 ಕೋಟಿ ರೂಪಾಯಿಯನ್ನು ಏರ್ ಇಂಡಿಯಾ ಮತ್ತು ಎಐಎಕ್ಸ್​ಎಲ್​ನ ಸಾಲಕ್ಕೆ ಪಾವತಿಸಿದೆ. ಹೀಗಾಗಿ ಏರ್ ಇಂಡಿಯಾ ಮತ್ತು ಅದರ ಅಧೀನ ಸಂಸ್ಥೆ ಎಐಎಕ್ಸ್ ಎಲ್​ನ ಶೇಕಡ 100 ಷೇರುಗಳು ಮತ್ತು ಎಐಎಸ್​ಎಟಿಎಸ್​ನ ಶೇಕಡ 50 ಷೇರುಗಳನ್ನು ಟೆಲೆಸ್​ಗೆ ಹಸ್ತಾಂತರಿಸಲಾಗಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ವಿಶ್ವದರ್ಜೆಗೆ ಏರಿಸುವ ಗುರಿ: ಏರ್ ಇಂಡಿಯಾವನ್ನು ವಿಶ್ವದರ್ಜೆಯ ವಿಮಾನಯಾನ ಕಂಪನಿಯನ್ನಾಗಿ ರೂಪಿಸಲು ಟಾಟಾ ಗ್ರೂಪ್ ಬದ್ಧವಾಗಿದೆ. ಟಾಟಾ ಗ್ರೂಪ್​ಗೆ ಏರ್ ಇಂಡಿಯಾವನ್ನು ಮತ್ತೆ ಸ್ವಾಗತಿಸುತ್ತಿದ್ದೇವೆ. ಏರ್ ಇಂಡಿಯಾದ ಎಲ್ಲ ಉದ್ಯೋಗಿಗಳನ್ನು ಆತ್ಮೀಯವಾಗಿ ಬರಮಾಡಿಕೊಳ್ಳುತ್ತಿದ್ದು, ಮುಂದೆ ಜತೆಯಾಗಿ ಕೆಲಸ ಮಾಡುತ್ತೇವೆ. ವಿಮಾನ ಯಾನ ಕ್ಷೇತ್ರಕ್ಕೆ ಸಂಬಂಧಿಸಿ ಪ್ರಧಾನಮಂತ್ರಿಯವರ ತಾತ್ತಿ್ವಕ ದೃಷ್ಟಿಕೋನದ ಜತೆಗೆ ಟಾಟಾ ಗ್ರೂಪ್​ನ ಸಹಮತವಿದೆ ಎಂದು ಟಾಟಾ ಸನ್ಸ್ ಚೇರ್​ವುನ್ ಎನ್.ಚಂದ್ರಶೇಖರನ್ ಹೇಳಿದರು.

ಮೊದಲ ದಿನವೇ ಊಟೋಪಚಾರಕ್ಕೆ ಆದ್ಯತೆ: ಟಾಟಾ ಗ್ರೂಪ್ ತೆಕ್ಕೆಗೆ ಏರ್ ಇಂಡಿಯಾ ಬಂದ ಕೂಡಲೇ ಮುಂಬೈನಿಂದ ಪ್ರಯಾಣಿಸುವ ನಾಲ್ಕು ವಿಮಾನಗಳಲ್ಲಿ-ಮುಂಬೈ – ದೆಹಲಿ (ಎಐ864, ಎಐ687), ಮುಂಬೈ-ಅಬುಧಾಮಿ(ಎಐ945), ಮುಂಬೈ-ಬೆಂಗಳೂರು(ಎಐ639)- ‘ಎನ್​ಹ್ಯಾನ್ಸ್ ್ಡ ಮೀಲ್ ಸರ್ವೀಸ್’ ಪರಿಚಯಿಸಲಾಗಿದೆ.

ಬಿಡ್ ಗೆದ್ದ ಟಾಟಾ ಗ್ರೂಪ್: ನಷ್ಟದಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ್ದ ಏರ್ ಇಂಡಿಯಾವನ್ನು ಟಲೆಸ್ ಪ್ರೖೆವೆಟ್ ಲಿಮಿಟೆಡ್ 18,000 ಕೋಟಿ ರೂಪಾಯಿಗೆ ಖರೀದಿಸಿದ್ದಾಗಿ ಕೇಂದ್ರ ಸರ್ಕಾರ ಕಳೆದ ಅಕ್ಟೋಬರ್ 8ರಂದು ಘೋಷಿಸಿತ್ತು. ಟಾಟಾ ಸನ್ಸ್ ಕಂಪನಿಯ ಅಧೀನ ಸಂಸ್ಥೆ ಈ ಟಲೇಸ್ ಪ್ರೖೆವೆಟ್ ಲಿಮಿಟೆಡ್. ಏರ್ ಇಂಡಿಯಾ ಮಾರಾಟದ ಬಿಡ್ಡಿಂಗ್ ಪ್ರಕ್ರಿಯೆಯಲ್ಲಿ ಸೆ.15ರಂದು ಎರಡು ಹಣಕಾಸು ಬಿಡ್​ಗಳು ಅಂತಿಮಗೊಂಡಿದ್ದವು. ಏರ್ ಇಂಡಿಯಾ ಮಾರಾಟ ಪ್ರಕ್ರಿಯೆಯನ್ನು ಡಿಐಪಿಎಎಂ 2017ರ ಜುಲೈನಲ್ಲೇ ಶುರುಮಾಡಿತ್ತು. 2020ರ ಡಿಸೆಂಬರ್ ಹೊತ್ತಿಗೆ ಏಳು ಖರೀದಿ ಆಸಕ್ತಿ ಪತ್ರಗಳನ್ನು ಅದು ಸ್ವೀಕರಿಸಿತ್ತು.

ಬಿಡ್ಡಿಂಗ್ ಹೇಗಿತ್ತು?

• 12,906 ಕೋಟಿ ರೂಪಾಯಿ ಮೂಲದರ
• 18,000 ಕೋಟಿ ರೂ. ಟಲೇಸ್ ಲಿಮಿಟೆಡ್ ಬಿಡ್
• 15,100 ಕೋಟಿ ರೂ. ಸ್ಪೈಸ್ ಜೆಟ್​ನ ಅಜಯ್ ಸಿಂಗ್ ನೇತೃತ್ವದ ಒಕ್ಕೂಟ ಬಿಡ್

ಪ್ರಧಾನಿ ಜತೆ ಮಾತುಕತೆ: ಏರ್ ಇಂಡಿಯಾವನ್ನು ಸರ್ಕಾರ ಔಪಚಾರಿಕವಾಗಿ ಟಾಟಾ ಗ್ರೂಪ್​ಗೆ ಹಸ್ತಾಂತರಿಸುವ ಮೊದಲು ಕಂಪನಿಯ ಚೇರ್ಮನ್ ಎನ್. ಚಂದ್ರಶೇಖರನ್ ನವದೆಹಲಿಯಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದರು. ಈ ಮಾತುಕತೆಯ ಫೋಟೋವನ್ನು ಪ್ರಧಾನಮಂತ್ರಿ ಕಚೇರಿ ಟ್ವೀಟ್ ಮಾಡಿತ್ತು.

ಉದ್ಯೋಗಿಗಳು ಟಾಟಾ ಗ್ರೂಪ್​ಗೆ: ಏರ್ ಇಂಡಿಯಾದಲ್ಲಿ 12,000ಕ್ಕೂ ಹೆಚ್ಚು ಉದ್ಯೋಗಿಗಳಿದ್ದಾರೆ. 8,000ಕ್ಕೂ ಹೆಚ್ಚು ಕಾಯಂ ಉದ್ಯೋಗಿಗಳು, 4,000 ಗುತ್ತಿಗೆ ಉದ್ಯೋಗಿಗಳು. ಏರ್​ಇಂಡಿಯಾ ಎಕ್ಸ್ ಪ್ರೆಸ್ ನಲ್ಲಿ 1,434 ಉದ್ಯೋಗಿಗಳಿದ್ದಾರೆ. ಸರಾಸರಿ 1,000 ಕಾಯಂ ಉದ್ಯೋಗಿಗಳು ಈ ವರ್ಷ ನಿವೃತ್ತರಾಗಲಿದ್ದಾರೆ. ಎಲ್ಲರೂ ಇನ್ನು ಟಾಟಾ ಉದ್ಯೋಗಿಗಳು.

65,562 ಕೋಟಿ ರೂಪಾಯಿ ಸಾಲ: ಕಳೆದ ವರ್ಷ ಜನವರಿಯಲ್ಲಿ ಡಿಐಪಿಎಎಂ ಪ್ರಕಟಿಸಿದಂತೆ, 2019ರ ಮಾರ್ಚ್ 31ಕ್ಕೆ ಏರ್ ಇಂಡಿಯಾದ ಒಟ್ಟು ಸಾಲದ ಮೊತ್ತ 60,074 ಕೋಟಿ ರೂಪಾಯಿ. ಇದರಲ್ಲಿ 23,286.5 ಕೋಟಿ ರೂಪಾಯಿ ಖರೀದಿದಾರರ ಹೆಗಲೇರಲಿದೆ. ಉಳಿದದ್ದು ಏರ್​ಇಂಡಿಯಾ ಅಸೆಟ್ಸ್ ಹೋಲ್ಡಿಂಗ್ ಲಿಮಿಟೆಡ್ (ಎಐಎಎಚ್​ಎಲ್) ಸುಪರ್ದಿಗೆ ಸೇರಲಿದೆ. ಈಗ 2021ರ ಆಗಸ್ಟ್ ವೇಳೆಗೆ ಇದು 65,562 ಕೋಟಿ ರೂ. ಆಗಿತ್ತು.

ಟೆಲೆಸ್​ಗೆ ಸಿಕ್ಕಿರುವುದೇನು?: ಏರ್ ಇಂಡಿಯಾ ಬಿಡ್ ಗೆದ್ದ ಟೆಲೆಸ್ ಪ್ರೖೆವೇಟ್ ಲಿಮಿಟೆಡ್​ಗೆ ಈಗ 4,400 ಪ್ರಾದೇಶಿಕ, 1,800 ಅಂತಾರಾಷ್ಟ್ರೀಯ ಲ್ಯಾಂಡಿಂಗ್, ರ್ಪಾಂಗ್ ಸ್ಲಾಟ್​ಗಳು ಪ್ರಾದೇಶಿಕ ವಿಮಾನ ನಿಲ್ದಾಣಗಳಲ್ಲಿ ಸಿಕ್ಕಿವೆ. ಅದೇ ರೀತಿ 900 ಸ್ಲಾಟ್​ಗಳು ವಿದೇಶಿ ವಿಮಾನ ನಿಲ್ದಾಣಗಳಲ್ಲಿ ಸಿಕ್ಕಿವೆ. ಏರ್ ಇಂಡಿಯಾ, ಇಂಡಿಯನ್ ಏರ್​ಲೈನ್ಸ್, ಮಹಾರಾಜಾ, ಏರ್ ಇಂಡಿಯಾ ಎಕ್ಸ್​ಪ್ರೆಸ್ ಬ್ರಾ್ಯಂಡ್​ಗಳ ಮಾಲೀಕತ್ವ ಈಗ ಟಾಟಾ ಪಾಲಾಗಿದೆ. ಏರ್ ಇಂಡಿಯಾ, ಇಂಡಿಯನ್ ಏರ್​ಲೈನ್ಸ್, ಮಹಾರಾಜಾಗೆ ಸೇರಿದ 117 ವಿಮಾನಗಳು, ಏರ್​ಇಂಡಿಯಾ ಎಕ್ಸ್​ಪ್ರೆಸ್​ಗೆ ಸೇರಿದ 24 ವಿಮಾನಗಳು ಟಾಟಾ ಪಾಲಾಗಿವೆ.

ಏರ್ ಇಂಡಿಯಾದ ಇತಿಹಾಸ

• 1932: ಟಾಟಾ ಏರ್​ಲೈನ್ಸ್ ಅಸ್ತಿತ್ವಕ್ಕೆ
• 1946: ಹುರಿಮೀಸೆಯ ವಿನೀತ ಮಹಾರಾಜ ಅಧಿಕೃತ ಲೋಗೋ
• 1948: ಮೊದಲ ಅಂತಾರಾಷ್ಟ್ರೀಯ ಹಾರಾಟ ನಡೆಸಿದ ಏರ್ ಇಂಡಿಯಾ ಮಲಬಾರ್ ಪ್ರಿನ್ಸಸ್. ಸರ್ಕಾರದಿಂದ 49% ಪಾಲು ಖರೀದಿ
• 1953: ಏರ್ ಇಂಡಿಯಾ ರಾಷ್ಟ್ರೀಕರಣ. ಜೆಆರ್​ಡಿ ಟಾಟಾ ಚೇರ್ಮನ್
• 1960: ಬೋಯಿಂಗ್ 707-420 ಖರೀದಿ. ಗೌರಿಶಂಕರ ಎಂದು ನಾಮಕರಣ
• 1962: ಏರ್ ಇಂಡಿಯಾ ಹೆಸರಿಗೆ ಸರ್ಕಾರ ಅಧಿಕೃತ ಮುದ್ರೆ.
• 1971: ಬೋಯಿಂಗ್ 747-200ಬಿ ಖರೀದಿ. ಎಂಪರರ್ ಅಶೋಕ ಹೆಸರಿನಲ್ಲಿ ಐಷಾರಾಮಿ ಸೇವೆ
• 1986: ಏರ್​ಬಸ್ ಎ310-300 ಆಗಮನ
• 1993: ಬೋಯಿಂಗ್ 747-400 ಕೊನಾರ್ಕ್ ಆಗಮನ. ನವದೆಹಲಿಯಿಂದ ನ್ಯೂಯಾರ್ಕ್​ಗೆ ತಡೆರಹಿತ ಹಾರಾಟ
• 2001: ಖಾಸಗೀಕರಣ ಪ್ರಯತ್ನ ವಿಫಲ
• 2004: ಅಗ್ಗದ ಸೇವೆ ಒದಗಿಸಲು ಏರ್ ಇಂಡಿಯಾ ಎಕ್ಸ್​ಪ್ರೆಸ್ ಅಸ್ತಿತ್ವ
• 2007: ಏರ್ ಇಂಡಿಯಾ, ಇಂಡಿಯನ್ ಏರ್​ಲೈನ್ಸ್ ವಿಲೀನ
• 2015: ಸಂಸ್ಥೆಯ ಖಾಸಗೀಕರಣಕ್ಕೆ ಸರ್ಕಾರದ ಒಲವು, ನೀತಿ ಆಯೋಗದಿಂದಲೂ ವರದಿ ಸಲ್ಲಿಕೆ.
• 2017: ನಷ್ಟ ತಗ್ಗಿಸಲು ಆರ್ಥಿಕ ನೆರವು ಸೇರಿದಂತೆ ಸರ್ಕಾರದಿಂದ ಹಲವು ಕ್ರಮ
• 2018: ಶೇಕಡ 76 ಷೇರುಗಳನ್ನು ಮಾರಾಟ ಮಾಡಲು ಅಧಿಸೂಚನೆ.

〰️〰️〰️〰️〰️〰️〰️〰️

ಕರ್ನಾಟಕದ ಲೋಕಸೇವಾ ಆಯೋಗ 💐💐
❇️ ಜನವರಿ 25

👆🏻 ರಾಷ್ಟ್ರೀಯ ಮತದಾರರ ದಿನ
(National Voters’ Day)

✍️ ಥೀಮ್ 2022 : ‘ಬಲವಾದ ಪ್ರಜಾಪ್ರಭುತ್ವಕ್ಕಾಗಿ ಚುನಾವಣಾ ಸಾಕ್ಷರತೆ’

(Theme 2022 : ‘Electoral Literacy for Stronger Democracy’)

💠 25ನೇ ಜನವರಿ 2022 12ನೇ ರಾಷ್ಟ್ರೀಯ ಮತದಾರರ ದಿನವನ್ನು ಗುರುತಿಸುತ್ತದೆ.

💠 1950 ರಲ್ಲಿ ಈ ದಿನದಂದು, ಭಾರತದ ಚುನಾವಣಾ ಆಯೋಗವು ಅಸ್ತಿತ್ವಕ್ಕೆ ಬಂದಿತು.

➖‘cVIGIL’ ಮತ್ತು ‘ವೋಟರ್ ಹೆಲ್ಪ್‌ಲೈನ್ ಆ್ಯಪ್’ ನಿಂದ 💠 ಇ-ಆಡಳಿತ ಪ್ರಶಸ್ತಿ 2019 ಗೆದ್ದಿದೆ.

💠 ಚುನಾವಣಾ ಆಯೋಗವು ಡಿಜಿಟಲ್ ಮತದಾರರ ಗುರುತಿನ ಚೀಟಿಗಳನ್ನು “E-EPIC” ಅನ್ನು ಹೊರತಂದಿದೆ.

💠 ಭಾರತ ಚುನಾವಣಾ ಆಯೋಗ ‘ಗರುಡ ಆಪ್’ ಬಿಡುಗಡೆ.

💠ಭಾಗ XV, (15) ಚುನಾವಣೆಗಳು (324 ರಿಂದ 329)

324. ಚುನಾವಣಾ ಆಯೋಗದಲ್ಲಿ ಅಧಿಕಾರ ವಹಿಸಬೇಕಾದ ಚುನಾವಣೆಗಳ ಮೇಲ್ವಿಚಾರಣೆ, ನಿರ್ದೇಶನ ಮತ್ತು ನಿಯಂತ್ರಣ. 🏛 ಭಾರತದ ಚುನಾವಣಾ ಆಯೋಗ👇 🔹ರಚನೆ: 25 ಜನವರಿ 1950
     🔹ಉದ್ದೇಶಗಳು: ಸಾಂವಿಧಾನಿಕ ಸ್ವಾಯತ್ತ ಸಂಸ್ಥೆಯು ಭಾರತದ ರಾಷ್ಟ್ರಪತಿ ಮತ್ತು ಉಪಾಧ್ಯಕ್ಷರ ಕಚೇರಿಗಳಿಗೆ, ಸಂಸತ್ತು, ರಾಜ್ಯ ವಿಧಾನ ಸಭೆಗಳು ಮತ್ತು ವಿಧಾನ ಪರಿಷತ್ತುಗಳಿಗೆ ಚುನಾವಣೆಗಳನ್ನು ನಡೆಸುತ್ತದೆ.
     🔹ಮೊದಲ ಕಾರ್ಯನಿರ್ವಾಹಕ: ಸುಕುಮಾರ್ ಸೇನ್
     🔹ಸುಶೀಲ್ ಚಂದ್ರ ಅವರು ಪ್ರಸ್ತುತ 24 ನೇ ಮುಖ್ಯ ಚುನಾವಣಾ ಆಯುಕ್ತರಾಗಿದ್ದಾರೆ.